Біздің мектебіміздің директоры Анар Алибаевнамен ағылшын тілі пәнінің мұғалімі Алгужина Айгерим Амировна Global Cities президенті мен негізін қалаушы Марджори Б. Тайвеннің арнайы шақыртуымен еліміздің делегациясы құрамында АҚШ-тың Вашингтон қаласында өтіп жатқан Global Cities жобасының 10 жылдығына арналған конференциясына қатысып жатыр.Бұл жоба мектебімізде өткен жылы іске қосылды.Жобаның аясында 5-6 сынып оқушылары туған өлкелеріміздің және ғаламшарымыздың басқа да өңірлерінің экологиясының өзекті мәселелерін зерттеді. Бұл жоба өзінің Global Scholars ұлтаралық интерактивті білім беру бағдарламасы арқылы болашақ ұрпақ арасында жаһандық экологиялық хабардарлықты арттыру мақсатында бүкіл әлем елдерімен ынтымақтасады.
Еліміздің делегациясы құрамында Ыбырай Алтынсарин атындағы Ұлттық академияның президенті Таныбаева Мадина Аглановна, Астана қаласының Әдістемелік орталығының әдіскері Шаяханова Роза Ақпанқызы, сондай-ақ Астана, Түркістан, Павлодар және Петропавл қалаларының педагогтары.